编辑：黄清秀摄影：柯文雯

专注于周围稳野食二十年，又被我发现左“鼎笈味道”呢间特别得黎又好好味嘅火锅店！火锅店有咩特别？先讲锅底，全部用山泉水细火慢炖，食之前饮翻碗汤，就知道系靓野！跟住纯手打系列，有专门嘅师傅负责手打鲜虾滑、鱼滑之类，人手近千次嘅捶打，无论系味道定系口感都一级棒！最最最特别嘅莫过于呢度嘅“手唧墨鱼面”，食过翻寻味，你去试过就知我无呃你！我已经等唔切啦，走走走，开餐啦！！！

入门就见到呢个半开放式嘅厨房，干净又企理，仲可以一目了然各位靓仔师傅系度做紧d乜，未开餐就先对出品卫生相当放心！

岩好见到有师傅系度打紧马鲛鱼滑，见个师傅先用木棍捶打，再用手摔打上千次，睇佢摔打果阵狼死嘅程度...二话不说我就点左份手打鲜虾滑同埋手打马鲛鱼滑试试先！“老细，上菜啊唔该！”

全部系一人一炉，老细话呢D叫“自涮自得私家锅”，好过瘾！而且精华全部集中系一小煲入边，开涮打边炉前，记得饮翻碗头啖汤，汤头清甜到不得了！招牌松露芝士锅，出动到黑松露,平民价格就可以享受奢华美味，必试啊！

好有“妈妈味道”嘅鲜人参猪骨锅！有所不知，呢度嘅锅底全部都系细火慢炖左几个钟头，先上台比顾客享用！

呢两个锅底绝对就系我挚爱，有消脂、清理体内垃圾功效嘅昆布海草锅，仲未开始打边炉就比我饮左一半！番茄酸汤锅，酸酸地用黎做锅底打边炉仲系第一次，点食都唔觉得腻！

睇到呢个卖相小伙伴都以为系蛋糕cream，查实佢系墨鱼面！老细话呢款墨鱼面嘅灵感来源于《中华小当家》里面嘅“麵非麵”，瞬间童趣十足！唧落煲度滚十秒左右就熟，有得食又有得玩，新奇又趣怪，正过kinder奇趣蛋！

好似“面”甘弹润滑口，但又食出鱼丸嘅爽口弹牙，正啊！！！

手打鲜虾滑，超级多蟹籽铺系面头，斋睇住都觉得好吸引，放入汤涮之前先将蟹籽压入虾滑，出黎嘅味道更加鲜甜，而且口感Q弹十足，又嫩又滑！皆因全部选用南美青虾，去壳挑筋取肉之后，再经过师傅手工千锤百打，想唔好味都难！

手打马鲛鱼滑，去刺取肉，经过上千次摔打后，鱼肉有晒粘性，入口感觉零舍唔同，爽爽脆脆，招牌嘅手打系列果然有料到！

虾丸、墨鱼丸、牛肉丸、猪肉丸组成嘅四喜丸，绝对就系我呢种选择困难症人士嘅福音，点一碟样样都可以食到，而且全部都系纯人工手打，正！

上台果阵仲系扎扎跳嘅竹签游水虾，新鲜生猛，一入热汤迅速变红，十分过瘾又有D残忍，O(∩_∩)O哈哈，够晒新鲜，虾肉好清甜！

近乎失传嘅广东特色美食--响铃卷，直接食，香脆可口；涮熟食，吸收晒清甜嘅汤底，入口又有d微脆！总之一句就系点食点好味，O(∩_∩)O哈哈！

由新鲜豆腐冷冻而成嘅蜂巢豆腐，摞黎打边炉就最考验汤底，皆因呢款豆腐嘅吸收能力相当强，好似海绵甘迅速吸收晒汤汁，口感相当有层次，好食到完全停唔到口嘅节奏！

椒盐生蚝，铺面嘅系炸过嘅蒜蓉，好香，就甘睇都睇得出生蚝好大只！好意外，一咬开生蚝仲系嫩到出汁，蠔味十足，正！

好珍贵嘅椒盐墨鱼嘴，一条鱼得一个嘴，呢盘起码要用二十条鱼！用特级花生油油炸出黎，色泽好金黄，诚意十足！

食左咁多次火锅，难得食完系唔觉得热气，而且又唔会觉得口渴，用山泉水慢火炖煮嘅汤底，果然名不虚传啊，黎碗头啖汤就知真假！手打鲜虾滑，选用优质南美青虾，配合埋蟹籽，口感弹牙味道清甜，一流啊！手唧墨鱼面就更加唔可以错过，新奇趣怪，好食又好玩，似面但又唔系面，口感好特别！鼎笈味道，你系食得出佢地嘅用心，打边炉又有新去处啦！！！

店名：鼎笈味道